ماتت / ولاباقي بعد موتها موت
ماتت / ومات الطيب والخاطر السمح
ماتت مثل عاداتها [ مالها صوت ]
تخاف تجرحنا / وهي موتها رمح
ياكم كان الحزن لعيونها / قوت
تخفيه / خوف أحبابها تلمحه لمح
رغم الألم / تبني من البسمه .. بيوت
وتقابل المخطين .. بالصفح / والدمح
ولامن زرعنا شوك / تنبت لنا توت
ولامن بكينا جوع / تصبح لنا قمح
في قلبها .. ذكر / وصلاوات / وقنوت
وفي وجهها لأحبابها [ خاطر ٍ سمح ]
راحت .. وخافت تجرح الناس بالموت
ماتدري أن بموتها .. صابنا رمح .