راحت تعالج من مرضها ولا جـت
معقول ما ترجع وهـي أوعدتنـي

ماني مصدق لـو يقولـون ماتـت
وشلـون وهـي البارحـة كلمتنـي

قالت أكيد إنـك لصوتـي تشوقـت
قلـت آهـ كلـك يالغـلا شايقتنـي

اشتقت لك ولنظرتك حيل اشتقت
ولهمستـك ولبسمـة ساحرتـنـي

ولمعانقك يا بعـد عمـري تولهـت
وكلمة هلا حبيبي وربـي أوحشتنـي

قالت أحبك قلـت أنـا فيـك ميـت
واللي يحفظـك بالغـلا مالكتنـي

قالت وتنسى صورتي قلت لا كنـت
ينسـانـي الله كانـهـا فارقتـنـي

وهلت دمـوع الغاليـة ثـم قالـت
قالـت أحـس إن المنيـة لفتـنـي

قاطعتهـا استغفـري الله يـا بنـت
وعجزت أكمـل عبرتـي أخنقتنـي

قالت أبي منك الوعد لو أنـا غبـت
تحفظ مشاعر حب فيـك أجمعتنـي

قلت أحفظه وأحفظك ما دام أنا دمت
بس إرجعي فرقاك موت أرهقتنـي

قالت كذا يا نور عيني أنا ارتحـت
والوعـد باكـر بعدهـا ودعتـنـي

ياخوي قلـي صـدق هـي توفـت
وشلـون وهـي البارحـة كلمتنـي


تحـــياتـــ ــي

يعطيك العافيه ماننحرم من جديبدك

واخخ بس ي عذاااب العععاشقيييين@.@




يسلمووو