الدقايق من عناها تنطر إنصاف الدقايق
ليت صدق الكون ينطق ياليالي الجور توبي

مرت اللحظات لحظة زانها إحساس رايق
لحظة هون هواها للجفا أعظم ذنوبي

لحظة فيها أدور برد في جوف الحرايق
يوم أنا تايه بزحمة غيبت عني دروبي

حالم من دون غفوة وانبلاج الصبح عايق
دون أحلام تسلم مدركي طرف الهبوبي

ساقني صوبه ظلام ما طلبت رضاه تايق
مدري غطيته بفكري أو هو غطاني بثوبي

جيت أدور في ظلام عاقني بعض الطرايق
تهدي إحساسي بداية ينتهي فيها هروبي

علميني يا حروفي درب إنصاف الدقايق
أعلني نسيان شمس أعلنت لحظة غروبي